BATAO KAUN YE SHOLA MERE AANGAN ME LAYA H

Kisi ne kuch banayha tha, kisi ne kuch banaya h,
Kaheen mandir ki parchhai, kaheen mazjid ka saya h,
Na tab poocha tha humse aur na ab poochne aaye h,
Hamesha faisle karke humein yu hi sunaya h.....
Kisi ne kuch banaya tha, kisi ne kuch banaya h....


Humein fursat kahan roti ki golai k chakkar se,
Na jaane kiska mandir h, na jaane kiski mazjid h,
Na jaane kaun ulajhata h seedhe-sache dhaagon ko,
Na jaane kiski saajish h, na jaane kiski ye zid h,
Ajab-sa silsila h ye, jaane kisne chalaya h
Kisi ne kuch banaya tha, kisi ne kuch banaya h....


Vo kehte h, tumhaara h, zara tum ek nazar daalo,
Vo kehte h, badho, maango, zaroori h, na tum taalo,
Magar apni zaroorat to h bilkul hi alag isse,
Zara thehro, zara socho, humein saanchon me mat dhaalo,
Batao kaun ye shola mere aangan me laya h
Kisi ne kuch banaya tha, kisi ne kuch banaya h....


Agar hindu me aandhi h, agar toofan musalman h,
To aao aandhi-toofan yaar ban k kuch naya karlen,
To aao nazar daalen aham se kuch savaalon par,
kayi kone andhere h, mashaalon ko diya karlen,
Ab asli dard bolenge jo dilon me chhupaya h
Kisi ne kuch banaya tha, kisi ne kuch banaya h....